ابزار وبمستر

چاتيپ‌ بولمايار

چاتيپ‌ بولمايار

 ايكي‌ داغينگ‌ آغاجی نينگ‌ باشي ني‌
دويبي‌ بير بولماسه‌ , چا تیپ‌ بولمايار
مـعـلقی نینگ‌ آغير نهنگ‌ داشــي نی
قـــول‌ بيلن‌ گوتاريب‌ ، آتيپ‌ بولمــــــايار

كــلــتــه‌ دينــگ‌ دن‌ بولــماز بييك‌ مناره‌
يامان‌ خاتين‌ دوشســا بير ياغشي‌ اره‌
باشــين‌ كســيپ‌ ، قانين‌ دوكوپ‌ كناره‌
يا اولدوريب‌ ، يا - دا ســــاتيپ‌ بولمايار

ايل‌ ايچينده‌ ســـنينگ‌ اولالســـا آدينگ‌
ســـني‌ يامان‌ گورمز ياقينينگ‌، يادينگ‌
قولونگ دا بولمـــاســه‌ بير گرك‌ زادينگ‌
منكگي‌ ديييپ‌، باشين‌ توتوپ‌ بولمايار

فقيرلار مال‌ ديــــير ، باي لار زر ديـــيـر
يكه‌ اشك‌ لی , آط‌ بر ، اسريك‌ نر ديـير
دنيا دن‌ دويمـــــاق‌ يوق‌ ، ينـه‌ بر ديـير
كونگول‌ مــقــصدينه‌ يتيب‌ بولــــــمايار

هــــر كيــــم‌ الين‌ گــرر فاني‌ جهـــــانا
ساغليق دا جفا بيير بو شـيرين‌ جانا
بو دنيا بيل‌ باغـــلان‌ , قــــالار زيـانــــه‌
دنيا دوســــــت ليغینه‌ بيتيب‌ بولمايار

كور فقير لار , گوزوم‌ ! ديير گــورمه‌ سه‌
آغساق لار آياق‌ سيز توتوپ‌ يورمه‌ سه‌
هركيمينگ‌ ايستاگين‌ تانگري‌ برمه‌ سه‌
باريب‌ , مانگا بر ! دييپ‌ توتوپ‌ بولمايار

( مختومقلي‌ ) نصيحتـــــيم‌ بولماسـا
سانا گچمن‌ هر كيم‌ قولاق‌ سالماسا
ييگيت‌ كونگول‌ سويه‌ني نی آلماسـا
اينجاليپ‌ ، فـراغـت‌ ياتيــــــپ‌ بولمايار

 ( مختومقلی فراغی )

ابزار هدایت به بالای صفحه