ابزار وبمستر

آتامینگ


آتامینگ کوپ قایتالان سوزلریندن

قارا قارنینگ بولسا قایغینگ – آلادانگ
قورروغا قاچسانگام تاپدیر بیر میدار.
یونه ولی ایکی آیاقلی بندانگی
دورت آیاقلا منگزتماور، یا خدام.

****
دوستونگ بورگوت بولسا _ داغلارا التر.
دوستونگ بلبل بولسا _ باغلارا التر.
دوستونگ ال قوش بولسا _ بیر اوبا التر.
دوستونگ بایقوش بولسا _ خارابا التر.

****
آمان ،آمان... دینماق اوچین دردیمدن،
اللی یاشدا یتمیش درمان گوردوم من.
«قوش گرگ!» دیسه لر – ساپانلاپ آلدیم،
«قورت گرگ!» دیسه لر – قاپانلاپ آلدیم،
«مومیا!» دیدی لر – توپنگلاپ آلدیم.
بیریسیندن گوردیم- آزاجیق هارای،
بیریسیندن گوردیم – مونگ هیلی زیان.
آخیری بیر گویچدن ینگیلدی دردیم،
آدم اوچین آدم – اینگ اولی درمان.

****
ساقغالینگ دره گین توتسادا عقل
عقلینگ دره گین توتمایار ساقغال.

****
«اوزینگی سویت سایغین، دوستینگی قایماق!»
دییارسینگ سن آتام، بو نامه دییمگ؟
او نامه اوچین میدام سویت بولوپ اوزوم،
دوستوم هم اوستومه بولمالی قایماق؟
اوغلوم، بو ایگنجینگ ناحق دیر ناحق.
اوزینگی سویت سایسانگ، دوستینگی قایماق،
اونسونگ قایماق سایار دوستونگام سنی.
اونسونگ سنم قایماق، دوستونگام قایماق.

****
تاشلاما باشلانینگی، باشلاما تاشلانینگی.
ساناسانگ-دا دوستونگی، ساناما دوشمانینگی.

****
( کریم قربان نفس )

ابزار هدایت به بالای صفحه