ابزار وبمستر

محترم داکتر صاحب عبد الرحیم (یلقمینگ) اوز مجموعۀ اشعارینده یازیلان بیوگرافیس

محترم داکتر صاحب عبد الرحیم (یلقمینگ) اوز مجموعۀ اشعارینده یازیلان بیوگرافیسی

خدایم جاینی جنت دان ایتسون اتام ملا عبدالرّحمن،محمد اسمعیل اوغلی «1348» لانجی یلده (46) یاشاب بیر اوپگه کسل لیگنه ساتاشیب بیر هفته نینگ ایچینده بو دنیا دان گچدیلر. اولار بوت وکوش تیکیب روزگارینگ گراک یراغینی وگونداکی خرچیمزی تاپیورتیلر.ایشینگ قپدالیینده منگه ده هم الف ب دان باشلاب سواد اوراتیورتیلر .اولار منگه کوش،بوت تیکمه نی اوراتمه دیلار .همیشه اوقو اوقه ،منینگ بول کسبیمی اوره نامه دیورتیلار .اولارمنگه گورینگ بیریورتیلار و— آیدیب تیلار! اوغلیم سن( 1334) لانجی ه ش یلده اند خوی ولسوال لیغنینگ کهنه قلعه قشلاقنده  اورته گیلدینگ .شول وقت بیز لر اوران غریب دوشیب تیک ،بیزلارینگ ترکمنستان دان ،کرکی دان مهاجر بولیب گیلانده قوین قوزی کته کچی مالیمیز اوران کوب تی .بیر یل قیش قتی گیلیب همه سینی بار یوغیمیزی ایدیریب غریب دوشیب غالدیق دیور تیلار .آنه شودیب من اوّل سوادی اتا مینگ یانیندان اورانیب آغام بیلان آقجه ده مردیان مکتبینده اوّل صنفی باشله دیم .اوندان سونگ اندخوی ده خان چهار باغ مکتبینه گیلدیم سویگ گرزیوان باردیم دهمیران وگرزیوان

مکتب لرینده اوقه دیم .سونگ گیلیب اند خوی ده ابومسلم خرا سا نی   لیسه سیندان

(1356) لانجی یل ده غوتاریب چیقدیم .شول یل کابل ده طب فاکولته سینه شامل بولدیم .یتدی یل اوقاب (1362)لانجی یل داکتر بولیب چیقدیم .من شعر ونظم آیتما نی ( 1350) لانجی یل لرده باشلاب تیم .  شو پیلّه لر کا بیتان ال یازو لاریمیزی محمد امین متین آدلی اند خوی اولی شاعری ایتیورتیلار ،اونگاریب فاریاب گون یازو       « روزنامه »سینده چاپ ایتیورتیق .شویل لر ده بیزلر بیلان سید محمد عالم لبیب وعبدالستار یارقین وباشقه شولار یانی دنگدوش لار بیزلر بیلان شعر آیتیورتیلار .

«1362»لانجی یل ده من فاکولته نی غوتاریب پولیس ایکی یوز بستر شفاخانه سینده

ایشه باشله دیم .اون یل شول شفا خانه ده جراحی بولیمینده ایش له دیم .

شول اورته ده نا چه یوله منی اوریش میدان لرینه ایبار دیلار ،پنجشیره باردیم ،تخار باردیم،مجاهد الینه دوشدیم ،بیر یل مجاهد توپرلاری بیلان قالدیم ،اشکمیش،قلعه زال،چاردره  ولسوال لیق لارینده قالدیم.چاردره ده حزب اسلامی گروپ لرینینگ ایچینده قالدیم .اینام بیلان تمیم اوغلیمینگ اینه سی چاردره گیلدی بیرعصبی تکلیف

تاپیب تمیم اینه سی قضاء ایتدی مزاری چار دره ده قالدی .اوندان سونگ ینه کابل

باردیم باشغه اویلاندیم . ایکی اوغل ،اوچ قیز ینه خدایم بیزلارینگ مشغله میزه قوشدی. (1368) لانجی یل ده  مزار شریف  ده داکتر بولیب ایشله دیم شول اورته ده

سرخان دریا (ترمز) شفاخانه سینده هم ایشله دیم .(1371) لانجی یلده سنگ چارگه  باردیم .سونگ (1383) لانجی یلده سرپل ولایت نه باردیم واوز جراحی ایشلاریمه باشله دیم .(1385) لانجی یلی جوزا آینده فرخار ولسوال لیغنه گیلدیم ،وشوپیلّه بورده

داکتر بولیب جراحی ایشلارینی ایشلیورین . شوپیلّه چه داکتر بولیب (2000)دان کوپراک کته عملیات ومونگ لرچه کژیک عملیات لری ایدیب گلیورین .

آنه شول تی، منینگ تانیشلیق اوچین قیسغه چه سوانیح معلومات لریم .

                                                                ( دوکتور عبدالرحیم ( یلقم )

شعرلری:

بولارمی

گل آچیلیب دورسه باغ وبوستانده

اویدان چیقیب سیلین ایتمان بولارمی

غیز کلین لر محبتین گورانده

نازلی یارینگ یاده سالمان بولارمی

             ……..

دشمن گیلیب آلر بولسه باشینگی

آیلام ایتسه سنینگ دگرا داشینگی

دوستینگ تاپیب اویله مه سنگ ایشینگی

ملتیق بیلان سینه دیلمان بولارمی

           ……….

قرینداشینگ یاتسه آه وزار چکیب

آغلاسه چاغه سی غانلی یاش دوکیب

طبیبه گیدمه سنگ یوغی بار ایدیب

داش یوراگینگ یاغه دونمان بولارمی

         ……… ..

کلبه نگه گیلانده قدرلی دوستینگ

یخشی دور دیرسینگ کم بیلن کوستینگ

اگر یتماز بولسه پلوه دستینگ

شوله نی اونگینده غویمان بولارمی

        …………

بیرو دوسیتلیق قورار بولسانگیز

همراه بولیب یوله چیقار بولسانگیز

کونگل سرین بیان ایدار بولسانگیز

الفتینگه بلد بولمان بولارمی

           ……….

یلقم اگر راحت گوراین دیسنگ

یار دوداغین سوریب دوراین دیسنگ

یخشی گیب دوغری ایاین دیسنگ

مشقت زحمتین چکمان بولارمی

منبع :جیهون

ابزار هدایت به بالای صفحه